Rizal

Si Rizal ay isang pinakadakilang tao na isinilang di lamang sa kanyang bayan kundi maging sa ibang bayan, mapa-ibang bansa man o saan man. Ang alaala niya ay hindi mapapantayan ng kahit sino man lalo't higit sa kanyang Mahal na Inang-Bayan. At ang mga susunod na salin lahi ay buong tapang at galang na babanggitin ang kanyang tanyag na pangalang RIZAL.

Angking galing at talino ni Rizal

 
Ang pagkatao at buhay ni Rizal ay karapat-dapat lamang na pag-aralan, hindi lang dahil sa siya ay naging bayani kundi dahil dahil sa kanyang mga nagawa para sa bayan. Tatlumpu't limang taon siyang nabuhay at nalibot niya ang daigdig. Sa kanyang paglilibot marami siyang natutunan at napag-aralan. Siya ay naging isang manggamot, manunulat, nobelista na kung saan nakapagsulat siya ng iba't-ibang natatanging nobela gaya na lamang ng Noli Me Tangere at El Filibusterismo, naging mahusay na guro at kung ano ano pa. At sa kanyang angking talino't galing at may paninindigan ay hindi matatawaran ang lahat ng kanyang ginawa para sa Bayan.

Pagmamahal ni Rizal sa Pamilya or pagiging isang RIzal

Ang pagiging isang Rizal ay hindi mahirap sa bawat mamamayang Pilipino. Maaaring ang bawat isa sa atin ay maging isang tulad ni Rizal. Tulad na lamang ng lubos na pagmamahal ni Rizal sa kanyang pamilya na kahit anong mga pagsubok ang pagdaanan ay nananatiling matibay ang samahan lalo na noong araw na si Rizal ay papatayin at tunay namang kahanga-hanga ang ipinakitang pagmamahal ng bawat isa sa kanila lalo na si Rizal. Ganoon rin tayo, kahit ano pa mang mithiin ay kayang-kaya rin nating matamo dahil mayroon tayong iba't-ibang natatanging kakayahan at lakas upang magawa ang lahat ng ito kagaya na lamang ng ipinamalas ni Rizal na angking galing at talino sa kahit anong larangan.